जाणून घ्या पोळपाट- लाटण्या संबंधित असलेले शास्त्र, होईल धनलाभ..

जाणून घ्या पोळपाट- लाटण्या संबंधित असलेले शास्त्र, होईल धनलाभ..

आपल्या घरातील अनेक गोष्टी या आपल्याला फायदा मिळवून देणाऱ्या ठरू शकतात. वास्तु विज्ञान शास्त्रात याची माहिती देण्यात आली आहे. वास्तूदोष काढण्यासाठीदेखील आपल्या घरातील गॅस शेगडीपासून, बेसिनमधील नळापर्यंत अनेक गोष्टी आपल्या उपयोगी पडू शकतात. यामुळे आपल्या घरात सुख, शांतता, समृद्धी, आनंद, समाधान, सकारात्मक ऊर्जा मोठ्या प्रमाणात येऊ शकते. दररोज वापरात असणाऱ्या पोळपाट-लाटणे यांबाबत वास्तू विज्ञान काय सांगते? जाणून घेऊया…

पोळपाट-लाटण्यामुळे घरात येते समृद्धी-

स्वयंपाक घरातील पोळपाट-लाटणेदेखील आपल्याला सुखी आणि धनवान बनवू शकते. वास्तु विज्ञानात याचा उल्लेख आढळतो. पोळपाट-लाटणे खरेदी करताना काही गोष्टींचे भान ठेवले आणि त्याप्रमाणे गोष्टी केल्या, तर आपल्या घरात संपन्नता येऊ शकते. याशिवाय कुटुंबातील सदस्यांचे आपापसातील नातेसंबंध आणखी दृढ होऊ शकतात, अशी मान्यता आहे.

पोळपाट-लाटणे केव्हा खरेदी करावे?-

पोळपाट-लाटणे खरेदी करताना शक्य असल्यास शुभ मुहूर्त पाहावा. पोळपाट-लाटणे मंगळवार आणि शनिवार या दिवशी खरेदी करू नये, असा सल्ला वास्तु विज्ञान देते. बुधवार हा दिवस लाकडी किंवा दगडी पोळपाट-लाटणे खरेदी करण्यासाठी अत्यंत शुभ आहे, असे या शास्त्रात म्हटले आहे.

पोळपाट-लाटण्याचा आवाज येऊ नये –

वास्तु विज्ञानानुसार, कोणत्याही प्रकारचा आवाज होणारे पोळपाट-लाटणे खरेदी करू नये. दोषमुक्त पोळपाट-लाटणे खरेदी करावे. आवाज येणारे पोळपाट-लाटणे घरात असल्यास ते शक्य तितक्या लवकर बदलावे. आवाज होणाऱ्या पोळपाट-लाटण्यामुळे घरातील शांतता भंग होते. आर्थिक नुकसान होऊ शकते, असे सांगितले जाते.

पोळपाट-लाटणे स्वच्छ ठेवावे –

वास्तु विज्ञानानुसार, पोळपाट-लाटणे दररोज धुवून ठेवले पाहिजे. अनेक ठिकाणी एक किंवा दोन दिवसाआड पोळपाट-लाटणे धुतले जाते. मात्र, असे करणे चुकीचे आहे. घरातील अन्य गोष्टींप्रमाणे पोळपाट-लाटणे दररोज स्वच्छ करून ठेवावे. असे न केल्यास कुटुंबातील सदस्य वरचेवर आजारी पडू शकतात. वास्तुदोष निर्माण होऊ शकतो, असे सांगितले जाते.

पोळपाट-लाटणे ठेवण्याची पद्धत –

वास्तु विज्ञानानुसार, पोळपाट-लाटणे नेहमी सुकल्यानंतरच जागेवर ठेवावे. याशिवाय पोळपाट कधीही उलटा ठेऊ नये. अन्यथा घरात समस्या वारंवार येऊ शकतात. याशिवाय दोन भांड्यांमध्ये किंवा गहू-तांदळाच्या डब्यावर ठेऊ नये. यामुळे कुटुंबातील सदस्यांमधील मतभेद वाढीस लागतात, असे सांगितले जाते.

कोणते पोळपाट-लाटणे चांगले? –

वास्तुशास्त्रामध्ये कोणते पोळपाट लाटणे वापरणे योग्य हे सुद्धा सांगितले गेले आहे. वास्तुशास्त्रामध्ये पोळपाट आणि लाटणे दोन्ही स्टीलचे असेल, तर सर्वश्रेष्ठ मानले गेले आहे. तर लाकडाचे पोळपाट-लाटणे रोगट मानले गेले आहे. कारण यात बुरशी लागते, तसेच अधिक तेल सोकून घेत असल्यामुळे ते योग्य मानले जात नाही.

टीप : वर दिलेली माहिती सामाजिक आणि धार्मिक मान्यतेच्या आधारावर दिलेली आहे. यामागे कोणतीही अंध श्रद्धा पसरवण्याचा किंवा त्यास वाढ देण्याचा उद्देश्य नाही. त्यामुळे कोणीही तसा गैरसमज करून घेऊ नये.

मित्रांनो हा लेख तुम्हाला आवडला असेल तर नक्की लाईक करा आणि आपल्या मित्रांबरोबर शेयर करायला विसरू नका. तसेच आपली प्रतिक्रिया कमेंट करून नक्की कळवा.

Team Hou De Viral