म्हणून राजीव कपूर यांची शोक सभा होणार नाही, नीतू सिंग यांनी सांगितलं कारण !!!!

म्हणून राजीव कपूर यांची शोक सभा होणार नाही, नीतू सिंग यांनी सांगितलं कारण !!!!

ज्येष्ठ अभिनेते राजीव कपूर यांचे ९ फेब्रुवारी रोजी हृदयविकाराच्या झटक्याने निधन झाले. ते ५८ वर्षाचे होते. मंगळवारी त्यांच्या पार्थिवावर अंत्यसंस्कार करण्यात आले. त्यांच्या अंत्यदर्शनासाठी कपूर कुटुंबियांसोबतच बॉलिवूडमधील अनेक कलाकार उपस्थित राहिले होते. मात्र आता राजीव यांची शोक सभा होणार नसल्याची माहिती समोर येत आहे.

नीतू सिंग यांनी इन्स्टाग्रामवरून ही माहिती दिली. नीतू यांनी लिहिलं की, ‘करोना महामारीत सर्वांच्या सुरक्षेच्या दृष्टीने स्वर्गीय राजीव कपूर यांची शोक सभा न करण्याचा निर्णय घेण्यात आला आहे. ईश्वर त्यांच्या आत्म्यास शांती देवो. पूर्ण राज कपूर कुटुंबिय या घटनेत एकमेकांसोबत आहेत.’

मागील काही वर्ष कपूर कुटुंबियांसाठी चांगली गेली नाहीत. २०१८ साली राज कपूर यांच्या पत्नी कृष्णा कपूर यांचं निधन झालं होतं. २०२० सालच्या सुरुवातीलाच राज कपूर यांची मोठी मुलगी रितु नंदा यांचं निधन झालं.

त्यानंतर एप्रिल महिन्यात लोकप्रिय अभिनेते ऋषी कपूर यांचेही निधन झाले होते. आता राजीव कपूर यांच्या जाण्याने कपूर कुटुंबियांना मोठा धक्का बसला आहे. राजीव हे अत्यंत सरळ स्वभावाचे आणि निर्मळ मनाचे होते.

राजीव कपूर यांचा जन्म २५ ऑगस्ट १९६२ साली मुंबईत झाला. त्यांनी हिंदी चित्रपटसृष्टीत सहाय्यक दिग्दर्शक म्हणून काम केलं. त्यानंतर त्यांनी ‘एक जान है हम’ या चित्रपटातून अभिनयाची सुरुवात केली. त्यांचा ‘राम तेरी गंगा मैली’ हा चित्रपट प्रचंड गाजला होता.

Team Hou De Viral